တစ်နေ့မှာ ကောင်းပေ့ဆိုတဲ့ ပန်းတွေမှရောင်းတဲ့ ပန်းအရောင်းဆိုင်ကြီး တစ်ဆိုင်က အခုလို ကြော်ငြာလိုက်တယ်။
” ကျွမ်းကျင် အရောင်းဈေးသည် တစ်ဦး အမြန်အလိုရှိသည်။ လစာငွေ ကောင်းကောင်းပေးမည်။ “
..ဆိုပြီး ကြော်ငြာ လိုက်တယ်။ ကြော်ငြာတွေ့တယ်ဆိုရင်ဘဲ လာလျှောက်ကြတဲ့ သူတွေ မနည်းပါဘူး။ ဆိုင်ပိုင်ရှင်က အားလုံးကို အင်တာဗျုးပြီးတဲ့အခါ မိန်းကလေး (၃)ဦးကို ပဏာမ ရွေးချယ်လိုက်တယ်။ သူတို့ (၃) ဦးကို တစ်ဦးကို တစ်ပါတ်စီ ဆိုင်မှာ အစမ်းခန့် ကြည့်ပြီးမှ အဆင်ပြေဆုံး တစ်ဦးကို ဆိုင်အတွက်ရွေးချယ်ဘို့ ဆုံးဖြတ်လိုက်တယ်။ အရွေးခံရတဲ့ မိန်းကလေး (၃)ဦးကလည်း ပန်းကလေးလိုဘဲ လှပကြတယ်။
ပထမတစ်ဦးက ပန်းအလှပြင်ဆိုင်မှာ လုပ်ခဲ့ဖူးတော့ ပန်းတွေကို ဘယ်လိုပြင်ဆင်ရတယ်၊ ဘယ်လိုကိုင်တွယ်ရတယ်၊ ဘယ်လို ကြာကြာခံအောင် ထားသိုရတယ်ဆိုတာ ကျွမ်းကျင်နေတာပေါ့။ ဒုတိယတစ်ဦးကလည်း ပန်းအလှပြင် သင်တန်းဆင်း တစ်ဦးဖြစ်နေတဲ့အတွက် ဒီလုပ်ငန်းဟာ သူ့အတွက် မစိမ်းဘူးဖြစ်နေတော့တာပေါ့။ တတိယ မိန်းကလေးကတော့ ဘာအတွေ့အကြုံမှ မရှိတဲ့ အလုပ်ရှာနေသူ တစ်ဦးပါဘဲ။
ဆိုင်ရှင်က သူတို့(၃) ဦးကို တစ်ပါတ်စီ စမ်းသုံးကြည့်ပြီး ရတဲ့ရလဒ်ပေါ်မှာမှ ရွေးချယ်မယ်ဆိုတော့ အတွေ့အကြုံ ကောင်းကောင်းရှိတဲ့ ပထမမိန်းကလေးက စိတ်ထဲမှာ ကြိတ်ဝမ်းသာနေတာပေါ့။ ပန်းရောင်းတာ၊ ပန်းအိုးထိုးတာ၊ ပန်းတွေကိုင်တွယ်တာ အားလုံးက သူ့အတွက်အခက်ခဲမရှိ၊ တတ်သိပြီးသားတွေချည်း ဖြစ်နေတယ်။ လာသမျှ ဧည့်သည်တွေကို ပန်းအမျိုးမျိုးရဲ့ အခေါ်အဝေါ်၊ ပန်းတွေရဲ့ ရည်ညွှန်းတဲ့ အဓိပ္ပါယ်၊ ဘယ်လိုလူမျိုးဆို ဘာပန်းနဲ့ သင့်တော်မယ် ဆိုပြီင်္း ရွှန်းရွှန်းဝေအာင် ရှင်းပြတတ်တော့ ၀င်လာသမျှ ဧည့်သည်တွေက ပန်းတစ်စည်း ဒါမှမဟုတ် ပန်းတစ်ခြင်းလောက်ကတော့ ၀ယ်သွားကြတာချည်းပါဘဲ။ ရက်သထ္ထ(၁)ပါတ် ပြည့်တော့ သူ့ရလဒ်က ဘယ်ဆိုးမလည်းနော်။ ဆိုင်ပိုင်ရှင်က သူမရဲ့ အရည်အသွေးကို တအားကို ကြိုက်နေပြီပေါ့။ သူ့ကိုသာခန့်ရင် ငါ့ဆိုင်ရဲ့ဝင်ငွေဟာ တရိပ်ရိပ်တက်လာမှာ အသေအခြာဘဲ လို့တွေးနေတော့တာပေါ့။
နောက်.. ဒုတိယ ပန်းအလှပြင် သင်တန်းကျောင်းဆင်း မိန်းကလေးကြတော့လည်ှး စာအုပ်ထဲမှာ လေ့လာထားသမျှနဲ့ သင်တန်းမှာ လက်တွေ့ပန်းအလှပြင်နည်းတွေကို အစွမ်းကုန်အသုံးချ၊ ကျိုးသွားတဲ့ ပန်းတွေကို အလဟသ၁ မဖြစ်စေဘဲ သွားကြားထိုးတံနဲ့တမျိုှး၊ သွပ်နန်းကြိုးလေးတွေနဲ့တစ်လီ ပြုပြင်လို့ ဖန်တီးထားတာဖြင့် မျက်စိပသာဒမှာ ရှုမငြီးအောင် ဖြစ်နေတော့တာပါဘဲ။ ဆိုင်ပိုင်ရှင်က သူမရဲ့ ဖြတ်ထိုးဥာဏ်၊ ဗဟုသုတရှိပုံနဲ့ ဖန်တီးနိုင်စွမ်းကို တော်တော့ကို သဘောကြသွားတယ်။ သူ့ကိုသာခန့်လိုက်ရင် ဆိုင်မှာ အလေအလွင့်နည်းပြီး ဒီဇိုင်းအသစ်အဆန်းတွေ ငါ့ဆိုင်မှာဖန်တီး ထုတ်လုပ်နိုင်မှာ သေခြာတယ်ဆိုပြီး ဘ၀င်ကျနေပြန်တယ်။
တတိယ မိန်းကလေးကတော့ အလုပ်အတွေ့အကြုံမရှိရှာတော့ ပန်းတွေကို မထိရက် မကိုင်ရက်နဲ့ပေါ့။ သူလုပ်လိုက်လို့ အမှားတစ်ခုခုဖြစ်သွားမှာကို စိုးရိမ်စိတ် အပြည့်လေးနဲ့ပေါ့။ ပန်းတွေကြားမှာ ရောရပ်နေရင်း သူမကိုယ်တိုင် ပန်းပွင့်လေးတစ်ပွင့်လို နူးညံ့ဖြူစင် နေတော့တယ်။ သူမရဲ့ ပင်ကိုယ်စိတ်ကိုက ပန်းပွင့်လေးလိုဘဲလှပတယ်။ သူမဟာ နာနေတဲ့ သုံးမရလို့စွန့်ပစ်ထားတဲ့ ပန်းပွင့်လေးတွေကို လွှင့်မပစ်ရက်ဘဲ ပွင့်ချပ်လေးတွေကို ဖြတ်ညှပ်ပြီး ဆိုင်ရှေ့ကဖြတ်သွားတဲ့ ကျောင်းသူ ကျောင်းသားလေးတွေကို လက်ဆောင်ပေးလိုက်တယ်။ ပန်းဝယ်ပြီး သူ့လက်ထဲက ပန်းစည်း ယူသွားတဲ့ လူတိုင်းကို..
” ပန်းလက်ဆောင်ပေး ကိုယ့်အတွက် မွှေးမြပါစေရှင်” ..လို့ချိုသာကြည်လင်တဲ့ အသံလေးနဲ့ ပြောတတ်တယ်။ အဲ့ဒီချိုမြတဲ့ စကားသံလေးက သူ့အတွက်လား၊ သူ့ဆိုင်အတွက်လား၊ ပန်းဝယ်သူတွေအတွက်ပြောတာလား၊ ဘာဘဲဖြစ်ဖြစ် ကြားလိုက်ရသူ အားလုံးအတွက်ကတော့ စိတ်နှလုံး ကြည်နူးချမ်းမြေ့ရတာ ချည်းပါဘဲ။ ဒါနဲ့ဘဲ သူမရဲ့ချိုသာတဲ့အပြောလေးကြောင့် ပန်းလေးတွေဝယ်သွားကြတယ်။ အဲ့လြိုကိုးစားခဲ့ပေမယ့် သူမဟာ ရက်သထ္ထ(၁)ပါတ် ပြည့်သွားတဲ့အခါ တခြားနှစ်ယောက်ရဲ့ ရောင်းအားအောက်မှာဘဲ သူမရဲ့ရှာတဲ့ငွေက ရှိနေခဲ့ပါတယ်။
ဒါပေမယ့် နောက်ဆုံးမှာ ဆိုင်ရှင်က မထင်မှတ်ဘဲ တတိယမိန်းကလေးကို ဆိုင်အတွက် ရွေးချယ်ခန့်လိုက်ပါတယ်။ ဆိုင်မှာရှိနေတဲ့ ၀န်ထမ်းတွေက မရှင်းကြဘူး။ ဘာလို့ သူတို့ဆိုင်ရှင်က ပိုက်ဆံအရှာနိုင်ဆုံး အရောင်းကျွမ်းကျင်တဲ့ ပထမမိန်းကလေးကို မရွေးပါလည်း ဆိုပြီးတော့ပေါ့။ ဒီတော့ ဆိုင်ရှင်က အခုလို ရှင်းပြလိုက်တယ်။
” ပန်းရောင်းပြီး ရှာနိုင်တဲ့ငွေက အကန့်အသတ်ရှိပါတယ်။ ပန်းလိုလှတဲ့စိတ်ဓာတ်နဲ့ ရှာနိုင်တဲ့ ငွေက အကန့်အသတ်မရှိပါဘူး။ ပန်းအလှပြင်တဲ့ပညာကိုဘယ်သူမဆို ဘယ်နေရာမှာမဆို သင်ယူလို့ရပါတယ်။ ပန်းလိုလှတဲ့ စိတ်ဓာတ်ကိုတော့ သင်ယူလို့ မရနိုင်ပါဘူး.. အဲ့ဒီစိတ်ဓာတ်ထဲမှာ စိတ်နေစိတ်ထား၊ အကျင့်စာရိထ္ထ၊ ၀ါသနာ၊ အနုပညာနဲ့ အလိမ္မာတရားတွေ ပါဝင်နေလို့ပါ ” …တဲ့။
ကျွန်မတို့တွေလည်း မိမိမှာ လုပ်ငန်းခွင် အတွေ့အကြုံမရှိဘူးဆိုပြီး စိုးရွံ့အားငယ်စိတ်တွေ ဖြစ်တတ်ကြပါတယ်။ အလုပ်ဆိုတာက လုပ်ရင်းနဲ့ ဘယ်လိုလုပ်ရမယ်ဆိုတာကို လုပ်နေရင်းကဘဲ တဖြေးဖြေးနဲ့ သင်ပေးသွားမှာပါ။ဒါပေမယ့် အလုပ်အပေါ်မှာ ယုံကြည်စိတ်အပြည့်၊ စေတနာအပြည့်အ၀နဲ့ ဖြူစင်စွာထားပြီး လုပ်ရမှာကတော့ ကျွန်မတို့ကိုယ်တိုင်ကိုက လုပ်ယူမှသာ ရမှာပါ။ ဒီလိုသာဆိုရင်ဖြင့် ကျွန်မတို့အားလုံး အခွင့်ရေးကောင်းတွေနဲ့ မလွဲမသွေကြုံဆုံ ကြရမှာပါရှင်။
ဆန္ဒနဲ့ဘ၀တစ်ထပ်ထဲကျကြပါစေ။
မြသွေးနီ
http://myathwayyni.mylovecafe.com မှကူးယူတင်ပြပါသည်။
အသက် ၄၉ နှစ်ရှိတဲ့ မစ်စတာရို့စ်က ဇူလိုင်လအကုန်မှာ စာချုပ်သက်တမ်းကုန်ဆုံးသွားတဲ့အခါ ပြန်လည် မညှိနိုင်းဖို့ ဆုံးဖြတ်ထားပြီးပြီ၊ ဘီဘီစီသတင်းဌာနအတွက် အလုပ်လုပ်ချိန်မှာ ပျော်ရွှင်စရာကောင်းတဲ့ အချိန် ကာလလေးတွေ များများစားစားရှိနေခဲ့, ပြီးတော့ အဲဒီသတင်းဌာနမှာ ရှိနေစဉ်အတွင်း ကျွန်တော်ရဲ့ ရှိုးတွေမှာ ဂုဏ်ယူစရာတွေ ရှိနေခဲ့ပေမယ့်လည်း လတ်တလောမှာ ကုန်ဆုံးမည့် ကျွန်တော့် စာချုပ်ပေါ်မှာ ပြန်လည်ဆွေး နွေး ပြီးမှု မလုပ်ကိုင်ဖို့ဘဲ ဆုံးဖြတ်ထားတယ်လို့ သူရဲ့ ထုတ်ပြန်ချက်တစ်ခုမှာ ပြောဆိုသွားပါတယ်။
ကျွန်ုပ်သတင်းဌာနမှာ ရှိနေခိုက် တကယ်တော်ပြီး တကယ်သည်းခံတတ်တဲ့ လူတွေနှင့်လည်း အတူတူ အလုပ်လုပ်ခဲ့ဖူးပါတယ်၊ ပြီးတော့ ကမ္ဘာ့ပေါ်က ထင်းရှားကျော်ကြားတဲ့ ရုပ်ရှင်စတားတွေနှင့်လည်း အင်တာဗျူးတဲ့ အခွင့်ရေး ရခဲ့ဖူးပါတယ်၊ အဲဒီလို ကြီးမားတဲ့ အတွေ့အကြုံအတွက်လည်း ဘီဘီစီသတင်းဌာနကို ကျေးဇူးတင်ပါတယ်၊ ပြန်လည်ညှိနိုင်းရင်းနှင့် သတင်းဌာမှာပဲ အမြဲနေရာမယူဘူး, သူ့ရဲ့ဆုံးဖြတ်ချက်ဟာလည်း ငွေကြေးကို အခြေမခံဘူး ဆိုတာကို ရှင်းရှင်းလင်းလုပ်သွားမယ် လို့လည်း ပြောပါတယ်။
ရို့စ်ရဲ့အနာဂတ်ဟာ တကယ့်ကို သေချာပုံမရှိခဲ့တဲ့သတင်းဟာလည်း အစီရင်ခံစာမှာလိုက်ပါလာပါတယ်။ မခ်ကီမုဒ် က ၂၀၁၀ ရဲ့ ရုပ်ရှင်နေရာကို ပြန်လည်းညှိနိင်းရန်လုပ်ဖို့ စောင့်ဆိုင်းနေတုံးမှာပဲ ချက်ရှိုးမှာတွေ့ရတဲ့ ပြိုင်ဘက်ဂရေဟမ်န် နော်တန်က သူရဲ့ သောကြာနေ့ညနေခင်းစကားဝိုင်းမှာနေရာယူမယ်လို့ ကောလဟလ သတင်းထွက်နေပါတယ်။ ရို့စ်က အမေရိကန်ဒေါ်လာသုံးမီလျံရှိတဲ့ သူ့ရဲ့ နှစ်စဉ်လစာကို ဖြတ်မည့် စာချုပ် သက်တမ်းကုန်သွားချိန်ဟာ လစာကို ရာခိုင်နှုန်း၅၀ ဖြတ်ဖို့ ကမ်းလှမ်းပြီးသားပါ။ ဒါပေမယ့် သူ့ရဲ့ ပြောဆိုခွင့် ရှိသူက ပြန်လည်းညိနှိုင်းမှုဟာ လုပ်ငန်းကို စေ့စပ်ပြီး ရေရှည် ဆက်လုပ်ဆောင်မှုမဖြစ်ဖို့နှင့် ပြီတော့ နွေရာသီထိဘဲ ဘီဘီစီသတင်းဌာနမှာ ဆက်လုပ်ဆောင်ဖို့ကို ကြာသပတေးနေ့မှာ ပြောဆိုသွားပါတယ်။
ဗုဒ္ဓဟူးနေ့မှာ ရိုစ်က သူ့ရဲ့ တွိုက်တာ စာမျက်နှာ မှာ လော့စ် အိန်ဂျလိက လူတစ်ယောက်နှင့် တွေ့ခဲ့တယ်လို့ ရေးသားထားပါတယ်။ထွီကလည်း အဲဒီစတားတွေဟာ ယူအစ်မှာ အလုပ်သွားလုပ်ကြမယ်ဆိုတဲ့သတင်းကလည်း လိုက်နေပါတယ်။
အရွယ်ကောင်းသူ လူလတ်ပိုင်း ၇-ယောက် ပြီးတော့ အမျိုးသမီး ၂-ယောက်နှင့် ကလေးငယ် ၂-ယောက်က အင်ဒိုနီးရှားနိုင်ငံမှာ ခိုလှုံခွင့်ရဖို့ဆိုတဲ့ ဆင်ခြေ ဆင်လက် အကြောင်းပြချက်တွေနှင့် မလေးကနေ ရေလမ်းအတိုင်း ဖြတ်ကူးလာတာပါ၊ အင်ဒိုနီးရှားခရီးစဉ်ကို စီစဉ်ပေးတဲ့ မလေးက ပွဲစားကိုလည်း အမေ ရိကန်ဒေါ်လာ ၁၀၀၀-စီတောင် ပေးခဲ့ရပါသေးတယ်လို့ ၀င်ရောက်လာသူတို့ ရဲ့ စကားအရယူဟနီက ပြောပြသွားပါတယ်။
သူတို့ထဲက နှစ်ဦးဟာမလေးနိုင်ငံက ယူအန်အိပ်ခ်ျစီ အာ(ရ်) က စာရွက်စာတမ်းတွေ ရှိသလို ကျန်ခုနှစ်
ဦးမှာလည်း ထောက်ခံစာ စာရွက်တွေ ကိုင်ဆောင်ထားတာကို တွေ့ရပါတယ်။ အခု ၀င်ရောက်လာသူတွေဟာ မလေးရှားနိုင်ငံက မျက်ကွယ်ပြုခံရတော့ တခြားနိုင်ငံတွေမှာ ခိုလှုံခွင့်ကို ရှာတာဖြစ်တယ် ပြီးတော့ မလေးက သူတို့ ပတ်ဝန်းကျင်က လူတွေလည်း ဒီနိုင်ငံထက် ပိုကောင်းတဲ့ အင်ဒိုနီးရှား နိုင်ငံကို သွားဖို့ အကြံပေးကြတယ် လို့လည်း လူဝင်မှုကြိးကြပ်သူရဲ့စကား အရ ကြားသိရပါတယ်။
ယူဟနီက အင်မီကရေးရှင်းရုံးနှင့် ချိတ်ဆက်မိပြီး ရှေ့ဆက်လုပ်ဆောင်ရမည့် ကိစ္စတွေကိုလည်း အဲဒီရုံးဝန်ထမ်းတွေကိုပဲ လွဲပြောင်းပေးသွားပါတယ်။
 |
